9 Օգոստոս 2012ին, Լոս Անճելըսի մէջ կազմուեցաւ Հայոց Ցեղասպանութեան 100ամեակի յանձնախումբ մը, որուն պարտականութիւնը պիտի ըլլայ համադրել եւ ղեկավարել 24 Ապրիլ 2015թ-ի, ԱՄՆի արեւմտեան ափի վրայ կազմակերպուելիք Հայոց Ցեղասպանութեան նուիրուած ոգեկոչման ձեռնարկները:
Յանձնախումբի կազմութիւնը արդիւնքն էր համայնքային խորհրդակցութիւններուն, զոր կատարուեցան շրջանէն ներս գործող հայկական մեծաոյն կառոյցներու ղեկավարներուն հետ: Խիստ էական նկատուող այս յանձնախումբը, միացեալ ռազմավարական ծրագրի մը տակ պիտի կեդրոնացնէ Հայոց Ցեղասպանութեան 100ամեակի նուիրուած ձեռնարկներու կազմակերպական ջանքերը:
Յանձնախումբի մէջ ընդգրկուած են.
• Հայաստանեայց Առաքելական Եկեղցւոյ ԱՄՆի Արեւմտեան Թեմը,
• Հայաստանեայց Առաքելական Եկեղցւոյ Կիլիկիոյ Թեմը,
• Հայ Կաթողիկէ Եկեղեցին,
• Հիւսիսային Ամերիկայի Հայ Աւետարանական Ընկերակցութիւնը,
• Հայ Յեղափոխական Դաշնակցութիւնը (ԱՄՆի Արեւմտեան շրջան),
• Ռամկավար Ազատական Կուսակցութիւնը,
• Սոցիալ-Դեմոկրատ Հնչակեան Կուսակցութիւնը,
• Հայկական Բարեգործական Ընդհանուր Միութիւնը (ԱՄՆի Արեւմտեան շրջան),
• Հայ Օգնութեան Միութիւնը (ԱՄՆի Արեւմտեան շրջան),
• Հայաստան Համահայկական Հիմնադրամը (ԱՄՆի Արեւմտեան շրջան),,
• Հայ Ամերիկեան Խորհուրդը,
• Հայ Դատի Յանձնախումբը (ԱՄՆի Արեւմտեան շրջան),
• Ամերիկայի Հայ Իրաւանց Խորհուրդը,
• Ամերիկայի Հայկական Համագումարը,
• Հարաւային Քալիֆորնիոյ Համալսարանի Հայկական Ուսումնասիրութիւններու Հիմնարկութիւնը:
Յանձնախումբը պիտի համադրէ նաեւ շրջանի մարմիններու գործունէութիւնը, խրախուսէ անոնց նախաձեռնութիւնները, ինչպէս նաեւ պիտի գործակցի Հայոց Ցեղասպանութեան 100ամեակի Ոգեկոչման ձեռնարկները համակարգող պետական մարմնի եւ Սփիւռքի նոյնանման կառոյցներուն հետ:

Article source: http://massispost.com/archives/6924?utm_source=rss&utm_medium=rss&utm_campaign=%25d5%25b0%25d5%25ab%25d5%25b4%25d5%25b6%25d5%25b8%25d6%2582%25d5%25a5%25d6%2581%25d5%25a1%25d6%2582-%25d5%25b0%25d5%25a1%25d5%25b5%25d5%25b8%25d6%2581-%25d6%2581%25d5%25a5%25d5%25b2%25d5%25a1%25d5%25bd%25d5%25ba%25d5%25a1%25d5%25b6%25d5%25b8%25d6%2582%25d5%25a9%25d5%25a5%25d5%25a1%25d5%25b6-100%25d5%25a1%25d5%25b4%25d5%25a5